U RPC raskrytykavali vopyty amierykanskich navukoŭcaŭ z halucynahiennymi hrybami nad śviatarami
Kiraŭnik adździeła źniešnich carkoŭnych suviaziaŭ Maskoŭskaha patryjarchatu mitrapalit Vałakałamski Iłaryjon raskrytykavaŭ sprobu amierykanskich navukoŭcaŭ vyvučyć relihijny dośvied z dapamohaj halucynahiennych hryboŭ, paviedamlaje RIAN.
Fota: RIA Naviny / Uładzimir Fiedarenka
Raniej navukoŭcy z Univiersiteta Džonsa Chopkinsa ŭ Bałtymary zajavili ab pačatku ekśpierymientu, padčas jakoha jany majuć namier dać niekalkim dziasiatkam pradstaŭnikoŭ roznych relihij dźvie mahutnyja dozy psiłacybinu. Heta rečyva źmiaščajecca ŭ halucynahiennych hrybach. Ekśpierymient pravodzicca dla taho, kab acanić upłyŭ psichadelikaŭ na relihijny vopyt. U pryvatnaści, psichołahi chočuć vyśvietlić, ci zrobiać jany relihijnych dziejačaŭ bolš upeŭnienymi ŭ svajoj pracy i ci źmienicca ŭ ich relihijnaje myśleńnie.
«Heta nie maje nijakaha dačynieńnia da relihijnaha vopytu, navat kali ŭ hetym ekśpierymiencie prymaje ŭdzieł śviatar, a dośvied, u svaju čarhu, nie maje ničoha ahulnaha z halucynacyjami. Jość peŭnaja roźnica pamiž tym, jak starazapavietnyja praroki atrymlivali adkryćcio ad Boha, i adčuvańniami ad pryjomu halucynahiennych srodkaŭ», — zajaviŭ u efiry telekanała «Rasija 24» mitrapalit Iłaryjon.
