Hałoŭny architektar Minska prakamientavaŭ rašeńnie pa Asmałoŭcy
Hałoŭny architektar Minska Pavieł Łučynovič prakamientavaŭ žurnalistam rašeńnie architekturna-horadabudaŭničaha savieta pa Asmałoŭcy, pieradaje BIEŁTA.
fota Siarhieja Hudzilina
«My ŭvažliva sačyli za praviadzieńniem hramadskaha abmierkavańnia, i dla nas vielmi važna było mierkavańnie hramadskaści. Miarkujem, što realizacyja prajektnych rašeńniaŭ detalovaha płana zaŭčasnaja», — skazaŭ Pavieł Łučynovič.
Pa jaho słovach, u PDP terytoryi ŭ miežach vulicy Staravilenskaj — vuł. Kisialova — vuł. Kujbyšava — vuł. Kamunistyčnaj uniasuć źmieny. Asablivuju ŭvahu nadaduć acency stanu budynkaŭ. Zatym płanujecca abviaścić konkurs na raspracoŭku kancepcyi zabudovy kvartałaŭ. Prapanova pieramožcy i laža ŭ asnovu budučaha detalovaha płana. Taksama zastajecca aktualnaj tema vyznačeńnia achoŭnych zon historyka-kulturnaj kaštoŭnaści.
«Viadoma, Asmałoŭka budzie raźvivacca, i ciapier važna naładzić dyjałoh pamiž uładaj, architekturnaj hramadskaściu i žycharami Asmałoŭki, vyznačyć, jakim budzie hety rajon», — skazaŭ Pavieł Łučynovič.