Kala kurortnych bierahoŭ Hrecyi i Turcyi adbyŭsia mahutny ziemlatrus
Turysty pakinuli numary i śpiać na vulicy, AP
La paŭdniova-zachodniaha ŭźbiarežža Turcyi adbyŭsia mahutny ziemlatrus. Jaho epicentr znachodziŭsia kala kurortnych haradoŭ Bodrum i Marmarys.
Jak paviedamlaje ahienctva Reuters, ziemlatrus mahnitudaj 6,7 adbyŭsia ŭ Ehiejskim mory, za 12 kiłamietraŭ ad tureckaha kurortnaha horada Bodrum.
U vyniku ziemlatrusu adbyłosia nievialikaje cunami. Asablivaj niebiaśpieki nie było, adnak pry hetym usio roŭna źjaviłasia pieraściaroha znachodzicca dalej ad plažu.
U vyniku ziemlatrusu na kurortnaj hrečaskaj vyśpie Kos, jakaja znachodzicca niedaloka ad tureckaha ŭźbiarežža, zahinuli dva čałavieki, jašče niekalki paciarpieli.
Pa dadzienych uładaŭ pravincyi Muhła, u jakoj znachodziacca jak Marmarys, tak i Bodrum, nijakich surjoznych razbureńniaŭ u vyniku zafiksavana nie było. U niekatorych starych budynkach raskoliny.
Jość niekalki paciarpiełych. Havorka idzie pra ludziej, jakija atrymali niaznačnyja traŭmy. Adnak pakul niama dadzienych, ci byli siarod ich zamiežnyja turysty.
Pa dadzienych CNN Turk, ahulnaja kolkaść paciarpiełych u Bodrumie składaje 70 čałaviek. U asnoŭnym heta ludzi paciarpiełyja pry padzieńniach. U Hrecyi traŭmy atrymali 160 čałaviek.
