U Biełarusi vyjaŭlenyja 20 kampanij, jakija reekspartavali polskija jabłyki ŭ Rasiju
U Bieraści vyjaŭlenyja 20 kampanij, jakija zajmalisia reekspartam polskich jabłykaŭ u Rasiju. Paviedamlajecca, što firmy, jakija zajmalisia impartam polskich jabłykaŭ u Biełaruś, zvyčajna rehistravali hramadzianie Rasiejskaj Fiederacyi, piša Radyjo Polšča.
Polskija jabłyki lehalna impartavalisia ŭ Biełaruś, pry hetym usie padatki spraŭna vypłačvalisia. Zatym sadavina pavinna byli pradavacca na biełaruskich rynkach, ale, na samaj spravie, jaje transpartavali ŭ Rasiju. Paśla hetaha firma-imparcior zakryvałasia, a zatym adkryvałasia novaja.
Adnoj z takich firmaŭ na praciahu miesiaca ŭdałosia pravieźci ŭ Biełaruś, a zatym u Rasiju bolš za 300 hruzavikoŭ polskich jabłykaŭ. Pavodle papiarednich acenak, štomiesiačny abarot vyjaŭlenych kampanij pieravyšaŭ 2 młn dalaraŭ.
Raśsielhasnahlad padazraje, što letaś ź Biełarusi ŭ Rasiju byli ŭviezienyja 250 tysiač ton sadaviny z krain, achoplenych rasijskim embarha.
