Si Czińpin upieršyniu za piać hadoŭ adpraŭlajecca ŭ turne pa jeŭrapiejskich krainach
Jon budzie pierakonvać jeŭrapiejskich lidaraŭ u pryvabnaści ekanamičnaha supracoŭnictva.
Si Czińpin pierad sustrečaj ź dziaržsakratarom ZŠA Entani Blinkienam u Piekinie 26 krasavika 2024 hoda. AP Photo/Mark Schiefelbein, Pool.
Si Czińpin upieršyniu za piać hadoŭ adpraŭlajecca ŭ turne pa jeŭrapiejskich krainach, kab pierakanać ich u pryvabnaści ekanamičnaha supracoŭnictva ź Piekinam. «Si Czińpin maje namier ubić klin pamiž Jeŭropaj i ZŠA», — piša Bloomberg.
Si Czińpin 5 maja pačnie svajo piacidzionnaje turne ŭ Francyju, Sierbiju i Vienhryju, jakija raźličvajuć na kitajskija inviestycyi, adznačaje RBK.
Francuzski prezident Emanuel Makron maje namier pahłybić svaje asabistyja suviazi z kitajskim lidaram padčas jaho dvuchdzionnaj pajezdki ŭ Francyju i źviarnucca da jaho z prośbaj pierakanać Uładzimira Pucina pakłaści kaniec kanfliktu va Ukrainie. Makron taksama imkniecca pryciahnuć inviestycyi Kitaja ŭ vytvorčaść akumulataraŭ dla elektramabilaŭ u krainie.
Francuzski lidar źbirajecca zaprasić kalehu na viačeru ŭ Jelisiejskim pałacy, a ŭ mieniu moža ŭvajści francuzski kańjak, jaki staŭ abjektam antydempinhavaha rasśledavańnia ŭ Kitai.
