U minskim kłubie harderob zrabili… płatnym
Fota: macos.livejournal.com
U minskim kłubie Re:Public harderob staŭ płatnym. Pa słovach supracoŭnikaŭ kłuba, płatny harderob, moža, i navinka dla Biełarusi, ale, da prykładu, u Rasii ci Jeŭropie praktykujecca ŭžo daŭno.
«Letam harderob praktyčna nie pracuje, tamu staŭki harderobščyka na hety pieryjad u nas niama, - havorać u kłubie. — Ale, kab čałavieku, jaki prymaje hetyja 10-20 kurtak za kancert, choć niešta zapłacić, my pajšli na hety krok. Da taho ž, pad harderob my arendujem 100 kvadratnych mietraŭ, płacim niemałyja hrošy, tamu, kab choć niejak hetyja hrošy adbić, my vyrašyli pajści na taki krok. Možna było košt harderoba ŭklučyć u košty na piva ci ŭ sumu arendy kłuba pad mierapryjemstvy, ale my vyrašyli pajści takim čynam».
Ciapier, kab vaša vierchniaja vopratka nie pieraškadžała vam padčas kancertaŭ dy viečarynak u kłubie Re:Public, harderobščyku daviadziecca zapłacić 1 rubiel.
