Raspracavanaja razumnaja tkanina, jakaja pieratvaraje adzieńnie ŭ fitnies-trekier
Navukoŭcy z Harvardskaha ŭniviersitetu raspracavali «razumnuju» tkaninu, jakuju možna vykarystoŭvać dla vytvorčaści adzieńnia. Cikava toje, što ŭ tkaninu nie ŭbudavana nijakich dadatkovych datčykaŭ. Jana sama ŭjaŭlaje saboj «adzin vialiki datčyk», piša Hi-News.
Ilustracyjnaje fota
Daśledavańnie ab novaj technałohii vyrabu tkaniny dla adzieńnia apublikavana ŭ vydańni Advanced Materials Technologies. «Razumnaja» tkanina składajecca z płasta kremnija, raźmieščanaha pamiž dvuma płastami sierabrystaj tkaniny, jakaja pravodzić elektryčny tok. Pravodnaść kremnija značna mienš za tuju, jakuju maje tkanina, i taki «sendvič» ŭtvaraje jomistavy datčyk. Hety datčyk rehistruje ruch, ułoŭlivajučy źmieny ŭ zdolnaści ŭtrymlivać zarad elektryčnaha pola pamiž dvuma elektrodami. Pry raściažeńni tkaniny kramianiovy płast stanovicca tančejšym, a płasty tkaniny zbližajucca.
Pa słovach navukoŭcaŭ, z takoj tkaniny možna vyrablać spartyŭnuju vopratku i vopratku dla sačeńnia za pacyjentami.