Łukašenka pazyčyŭ samalot Dadonu dla viartańnia ŭ Kišynioŭ
Fota pres-słužby prezidenta Małdovy.
Alaksandr Łukašenka pradastaviŭ samalot prezidentu Małdovy Iharu Dadonu dla viartańnia ŭ Kišynioŭ małdaŭskaj aficyjnaj delehacyi.
Prezident Małdovy zaviaršyŭ svoj pracoŭny vizit u Biełaruś i viarnuŭsia ŭ Małdovu. Zvyčajna ŭsie svaje aficyjnyja paloty kiraŭnik dziaržavy ździajśniaje zvyčajnymi rejsami, i, u asnoŭnym, ekanom-kłasam.
«Mabyć u Biełarusi zaŭvažyli heta i, uličvajučy, što pramoha rejsa Minsk — Kišynioŭ niama, Łukašenka vyrašyŭ dać małdaŭskamu vizavi svoj čartar dla karotkaha palotu ŭ Kišynioŭ», — paviedamiŭ municypalny daradca Kišyniova ad Partyi sacyjalistaŭ Haik Vartanian.
Infarmacyju ab viartańni ŭ Kišynioŭ prezidenta Małdovy na samalocie prezidenta Biełarusi vydańniu paćvierdzili i ŭ pres-słužbie Dadona.
Miarkujučy pa fatahrafii, havorka idzie pra samalot z uradavaha parka Biełarusi. Na hetym ža samalocie małdaŭskaja delehacyja ŭ čaćvier adpraviłasia ź Minska ŭ Viciebsk na adkryćcio fiestyvalu «Słavianski bazar».
Nahadajem, raniej na sustrečy dvuch prezidentaŭ Alaksandr Łukašenka zajaviŭ Iharu Dadonu, što Biełaruś hatovaja ŭ luby momant zrabić dla Małdovy ŭsio, što ŭ jaje siłach.
