Irak śviatkuje pieramohu: Masuł vyzvaleny ad «Isłamskaj dziaržavy»
Hałoŭnakamandujučy irakskimi ŭzbrojenymi siłami premjer Chiejdar al-Abadzi aficyjna abviaściŭ pra pieramohu nad terarystyčnaj hrupoŭkaj IDIŁ u Masule. Kiraŭnik kabinieta prybyŭ u vyzvaleny horad u niadzielu, dzie sustreŭsia z vajskoŭcami i mirnymi žycharami. Śviatkavać vydvareńnie z Masuła bajevikoŭ «Isłamskaj dziaržavy» palicejskija i vajennyja pačali jašče napiaredadni, viarnuŭšy pad svoj kantrol histaryčnuju častku Masuła — apošni apłot ekstremistaŭ.
Za čas vuličnych bajoŭ cełyja rajony staražytnaha horada, što raskinuŭsia na bierahach raki Tyhr, pieratvarylisia ŭ ruiny. Kampanija pa vyzvaleńni Masuła ad IDIŁ pačałasia ŭ kastryčniku minułaha hoda. Dapamohu Iraku akazvała mižnarodnaja kaalicyja na čale z ZŠA. U chodzie vajennych dziejańniaŭ horad pakinuli kala 900 tysiač čałaviek — bolš za pałovu davajennaha nasielnictva. Zaraz pierad uładami staić niaprostaja zadača — viarnuć Masuł da mirnaha žyćcia. U razburanym horadzie nie chapaje vady, praduktaŭ charčavańnia i miedykamientaŭ. Šmat kamu niama dzie žyć: damy abo razburany, abo zaminavanyja bajevikami.
