Michałok rezka vykazaŭsia pra błohiera Matolku, ale akazałasia, što zbłytaŭ jaho z Hannaj Bond
U subotu padčas kancerta na chutary Šabli ŭ Vałožynskim rajonie muzyka Siarhiej Michałok z hurtu Brutto ( raniej «Lapis») adkazaŭ błohieru Antonu Matolku.
Havorka była pra nibyta krytyčnyja zaŭvahi ŭ sacsietkach ab udziele Michałka ŭ rekłamie avijakampanii «Biełavija», dzie śpiavak čytaje vierš Bahdanoviča «Słuckija tkačychi».
Michałok padšpiliŭ: «U mianie jość siastryčka Volka, a ŭčora ja daviedaŭsia, što jość niejki Matolka».
Michałok rezka adchiliŭ abvinavačvańni ŭ «kałabaracyi». Jon u mietafaryčnaj formie i charakternym sumburnym styli zajaviŭ pra nieabchodnaść žyć žyćciom svajoj krainy, być pazityŭnym, zajaviŭ, što choča, kab biełaruskaja mova i biełaruščyna asacyjavalisia ź siłaj, a nie słabaściu. Michałok taksama asudziŭ ludziej, jakija zajmajucca krytykanstvam z nahodaj i biez nahody. Viečny chajp adciahvaje ad praŭdzivaha žyćcia, takuju dumku pravioŭ Michałok.
Publika pryniała hety pasaž Michałka apładysmientami.
Jak napisaŭ u fejsbuku sam Anton Matolka, słovami Michałka jon byŭ ździŭleny i źbiantežany, bo nie tolki nidzie nie krytykavaŭ rekłamny rolik, ale navat nie bačyŭ jaho.
Siońnia ranicaj pradziusar «Bruta» Anton Aziźbiekian napisaŭ u fejsbuku, byccam Michałok pierabłytaŭ Matolku z Hannaj Bond. Takim čynam, koła ŭciahnutych u hetuju dziŭnuju historyju ludziej praciahvaje pašyracca.
