Pieršaja sustreča Pucina i Trampa pačałasia ŭ Hamburhu z abmienu kamplimientami FOTA
Pačałasia pieršaja sustreča Uładzimira Pucina i Donalda Trampa. Pierad jaje pačatkam abodva abmianialisia kamplimientami. Tramp zajaviŭ, što dla jaho znachodzicca pobač z Pucinym — vialiki honar, a Pucin — što jon vielmi rady hetaj sustrečy i spadziajecca, što jana budzie plonnaj, pieradaje Deutsche Welle.
U sustrečy z rasijskaha boku braŭ udzieł kiraŭnik MZS Siarhiej Łaŭroŭ, z amierykanskaha — dziaržsakratar Reks Tylersan.
U zału pieramoŭ było zaprošana bolš za 30 žurnalistaŭ. Zrabiŭšy karotkija zajavy, lidary dali zrazumieć, što adkrytaja dla presy častka sustrečy zaviaršyłasia. Uładzimir Pucin i Donald Tramp nie stali adkazvać na pytańni pradstaŭnikoŭ ŚMI. Paśla taho, jak žurnalisty syšli, sustreča praciahnułasia ŭ zakrytym režymie.
U Hamburhu 7—8 lipienia prachodzić samit lidaraŭ krain G20. Sustreča lidaraŭ viadučych krain śvietu pryśviečana, u pryvatnaści, prablemam baraćby z teraryzmam, abaronie ziamnoha klimatu, pytańniam ekanomiki i handlu.
