Narešcie stvorany smartfon, jaki pracuje biez batarei
Apisańnie telefona, raspracavanaha supracoŭnikami Vašynhtonskaha ŭniviersiteta, apublikavana ŭ časopisie Proceedings of the Association for Computing Machinery on Interactive, Mobile, Wearable and Ubiquitous Technologies. Nieabchodnuju enierhiju pryłada atrymlivaje z radyjosihnałaŭ abo śviatła
Stvaralniki smartfona pratestavali jaho na asnoŭnych funkcyjach: jon moža pieradavać razmovu i dadzienyja, prymać kamandy karystalnika. Taksama ŭdałosia paśpiachova patelefanavać pa Skype.
Na dadzieny momant pryłada spažyvaje prykładna 3,5 mikravaty. Hetuju enierhiju jana moža atrymlivać z radyjosihnałaŭ ad stancyj, raźmieščanych na adlehłaści da dziesiaci mietraŭ. Inšaja krynica - soniečnyja batarei pamieram u niekalki milimietraŭ, vykarystoŭvajučy jakija, telefon moža pracavać na adlehłaści da 17 mietraŭ ad stancyi.
Paśla taho, jak technałohija raspaŭsiudzicca i źjavicca ščylnaja sietka Wi-Fi-roŭtaraŭ, smartfonami biez batarej možna budzie karystacca paŭsiudna. I heta sapraŭdy pačatak novaj ery ŭ raźvićci kamunikacyj.