Šeść kampanij Parku vysokich technałohij uvajšli ŭ top-100 najlepšych aŭtsorsieraŭ śvietu
Šeść kampanij ź biełaruskaha Parku vysokich technałohij uvajšli ŭ rejtynh The 2017 Global Outsourcing 100. Takaja infarmacyja raźmieščana na sajcie Parku vysokich technałohij, paviedamlaje BiełTA.
Mižnarodnaja asacyjacyja prafiesijanałaŭ aŭtsorsinhu (IAOP) apublikavała śpis viadučych pastaŭščykoŭ pasłuh aŭtsorsinhu The Global Outsourcing 100 u śpiecyjalnym dadatku da časopisa Fortune za druhi kvartał 2017 hoda.
U rejtynh uvajšli kampanii, pradstaŭlenyja ŭ Parku vysokich technałohij - Bell Integrator, Ciklum, EPAM Systems, IBA Group, Intetics, Itransition. Kampanii aceńvalisia pa piaci paramietrach: pamier i tempy rostu, vodhuki klijentaŭ, uznaharody i siertyfikaty, raźvićcio inavacyj, karparatyŭnaja sacyjalnaja adkaznaść.
Mižnarodnaja asacyjacyja prafiesijanałaŭ u halinie aŭtsorsinhu — arhanizacyja, jakaja ŭstaloŭvaje standarty aŭtsorsinhu i padtrymlivaje jaho raźvićcio. Abjadnoŭvajučy zvyš za 120 tys. kampanij i ich partnioraŭ, asacyjacyja abaraniaje intaresy industryi aŭtsorsinhu, dapamahaje kampanijam pa ŭsim śviecie raźvivać aŭtsorsinh, pavyšać ROI (kaeficyjent akupnaści inviestycyj) i pašyrać mahčymaści aŭtsorsinhu ŭ biznesie.
