Jakuckaja łajka ŭpieršyniu ŭbačyła kłanavanie ščania, vyhadavanaje ź jaje vucha
Kłanavanaja palaŭničaja łajka ź Jakucii paznajomiłasia sa svajoj «mamaj», a dakładniej skazać, donaram — Suutuk, paviedamlaje naukatv.ru.
U pačatku červienia ŭ hetym hodzie navukoŭcy paŭdniovakarejskaha instytuta Sooam Biotech Research Foundation sumiesna sa śpiecyjalistami z Paŭnočna-Uschodniaha fiederalnaha ŭniviersiteta pradstavili śvietu dvuch kłanavanych łajek.
Ščaniaty Bełech i Kerečeenie prajšli vakcynacyju i rastuć zdarovymi i aktyŭnymi. 23 červienia adbyłasia ŭračystaja prezientacyja ščaniukoŭ-kłonaŭ u Jakucku. Ciapier supracoŭniki instytuta vyrašyli, što Bełechu para sustrecca sa svaimi «baćkami», a mienavita z Suutuk.
Haspadar siamihadovaj Suutuk spačatku nie pavieryŭ, što Bełech — jaje kłon. Zrazumieła, sabaki padobnyja adzin da adnaho jak dźvie kropli vady, ale ŭśviadomić isnavańnie kłona dla jakuckaha žychara stała składanaj zadačaj. Suutuk, darečy, vydatna pryniała trochmiesiačnaje ščania, jakoje vyhadavali z kletak, uziatych ź jaje vucha.
U śniežni 2016 hoda na bazie łabaratoryi ŭ SVFU praviali adbor tkanak u darosłych asobin jakuckaj palaŭničaj łajki — 12-hadovaha bujnoha biełaha sabaku pa imi Tajha i ŭ toj čas jašče šaścihadovaj samki Suutuk.
Supracoŭniki rasijskaha i paŭdniovakarejskaha ŭniviersitetaŭ tłumačać, što metaj kłanavańnia źjaŭlajecca vyratavańnie spradviečnaj parody jakuckaj łajki, kolkaść pradstaŭnikoŭ jakoj u apošnija hady rezka skaraciłasia z-za miešanak.