94-hadovuju piensijanierku z Łuninieckaha rajona, jakaja zabłukała ŭ jahadach, znajšli źniasilenaj
U Łuninieckim rajonie znajšłasia 94-hadovaja piensijanierka, jakaja zabłukała ŭ lesie, paviedamiła BiełTA aficyjny pradstaŭnik UUS Bresckaha abłvykankama Hanna Ivaščanka.
U jahady sastarełaja žycharka vioski Bastyń adpraviłasia ranicaj 26 červienia. Da viečara jana nie viarnułasia dadomu, i jaje 57-hadovy syn zabiŭ tryvohu. Była sfarmiravana pošukavaja hrupa. Milicyjantam dapamahali supracoŭniki MNS, palaŭničyja, dobraachvotniki. Napiaredadni viečaram u lesie byli znojdzienyja viadro i kij piensijanierki. Adnavić pošuki vyrašyli ranicaj.
Na dośvitku syn viarnuŭsia da hetaha miesca. Na ščaście, na hety raz pračesvać les doŭha nie pryjšłosia. Źniasilenaja babulka znachodziłasia prykładna za 1 km ad svaich rečaŭ. Žančyna była ŭ prytomnaści. Jaje špitalizavali ŭ reanimacyjnaje adździaleńnie Łuninieckaj rajonnaj balnicy. Miedyki aceńvajuć jaje stan jak stabilna ciažki.