Minekanomiki abnaviła prahnoz na 2017 hod: inflacyja — da 7%
Urad raźličvaje, što da kanca hoda inflacyja nie pieravysić 7% suprać raniejšych 9%. Abnoŭleny prahnoz siońnia ahučyŭ žurnalistam pieršy namieśnik ministra ekanomiki Dźmitryj Krutoj.
— Heta my pakul tak aściarožna zakładvajem. Piać miesiacaŭ my skončyli ź inflacyjaj u 2,7%. Heta histaryčny minimum. Tamu naohuł čakajem i mienšy pakazčyk u 6-6,5%, - skazaŭ Dźmitryj Krutrj.
Na nastupny hod pakul taksama zakładvajecca inflacyja ŭ 7%. Razam z hetym urad źbirajecca da kanca 2018-ha źnizić staŭku refinansavańnia da 11-12% hadavych.
Na nastupny hod taksama zakładzieny pryrost VUP na ŭzroŭni 3,4%.
— Pramysłovaść tut - asnoŭny drajvier. Jašče ŭ nas inviestycyi siońnia znachodziacca ŭ admoŭnaj zonie na ŭzroŭni 94,5% ad prahnozu. Spadziajemsia, što ŭ nastupnym hodzie pa hetym artykule my vyjdziem na stanoŭčyja značeńnia, - skazaŭ pieršy namieśnik ministra ekanomiki.
