Łaŭroŭ: Rasija akupuje Biełaruś? Bolšaha tryźnieńnia nie ŭjavić
Pra heta ministr zamiežnych spraŭ Rasii Siarhiej Łaŭroŭ zajaviŭ u intervju biełaruskim ŚMI z nahody 25-hodździa ŭstanaŭleńnia dypłamatyčnych adnosin pamiž Biełaruśsiu i Rasijaj, piša Tut.by.
«Stohny i jenki z nahody našych vučeńniaŭ z Respublikaj Biełaruś nazirajucca nie pieršy hod. Zaraz rychtujucca vučeńni Zachad-2017, paru hadoŭ tamu byli vučeńni Ščyt Sajuza — 2015. Tyja ž kryki razdavalisia: što ciapier rasijskija vojski ŭvojduć nibyta dla praviadzieńnia vučeńniaŭ, potym zastanucca tam nazaŭsiody i akupujuć Biełaruś. Bolšaha tryźnieńnia ciažka sabie ŭjavić, tym bolš, kali havorka idzie pra palitykaŭ, jakija pretendujuć na niejkuju reśpiektabielnaść u ES.
Čutki, što my nibyta rychtujemsia da ŭviadzieńnia vojskaŭ u Biełaruś pad vyhladam vučeńniaŭ užo byli šmatkroć abvierhnutyja — i z rasijskaha boku, i z boku kiraŭnictva Respubliki Biełaruś. Našy kalehi z Paŭnočna-Atłantyčnaha aljansu vydatna viedajuć, što ŭ ich jość zaprašeńnie na hetyja vučeńni, jany pravodziacca transparentna, hetak ža, jak i ŭsie papiarednija sumiesnyja vučeńni Rasijskaj Fiederacyi i Respubliki Biełaruś», — skazaŭ Siarhiej Łaŭroŭ.
Taksama ministr prakamientavaŭ pytańnie rasijskaj avijabazy ŭ Biełarusi.
«Ja nie čuŭ, kab pytańnie ab vajskovaj bazie ŭzdymałasia ŭ apošni čas, my pryniali da viedama rašeńnie prezidenta Respubliki Biełarusi, jaki absalutna ŭ ramkach svaich paŭnamoctvaŭ i svajoj kampietencyi hetaje rašeńnie pryniaŭ. My da jaho stavimsia z poŭnaj pavahaj. A pra niejkuju prysutnaść rasijskich vojskaŭ na terytoryi Biełarusi za miežami zhody biełaruskaha kiraŭnictva, ja dumaju, nichto i nie dumaje», — adznačyŭ kiraŭnik rasijskaha zamiežnapalityčnaha viedamstvaju
