Arabskija krainy zapatrabavali ad Katara zakryć «Al-Džaziru»
Čatyry krainy, što razarvali dypłamatyčnyja adnosiny z Kataram, nakiravali ŭ Dochu 13 patrabavańniaŭ, jakija nieabchodna vykanać dla admieny bajkotu.
U pryvatnaści, Saudaŭskaja Aravija, Jehipiet, AAE i Bachrejn patrabujuć, kab Katar zakryŭ svaju telekampaniju «Al-Džazira».
U dakumiencie ŭdakładniajecca, što zakryty pavinny być usio filijały «Al-Džaziry». U kampanii jość telekanał na anhlijskaj movie — adzin z samych papularnych arabskich spadarožnikavych kanałaŭ.
Krainy Piersidskaha zaliva i blizki sajuźnik Saudaŭskaj Aravii, Jehipiet, daŭno abvinavačvali «Al-Džaziru» ŭ pradastaŭleńni trybuny dla isłamisckich ruchaŭ i zaachvočvańni inšadumstva.
Ad uładaŭ Katara taksama patrabujuć skaracić suviazi ź Iranam i zakryć tureckuju vajskovuju bazu — i zrabić usio heta na praciahu 10 dzion.
Najbujniejšy palityčny kryzis u krainach Piersidskaha zaliva zdaryŭsia ŭ pačatku červienia, kali bolš za dziesiać krain uviali suprać Katara dypłamatyčnyja i ekanamičnyja sankcyi.
Jany abvinavacili Katar u finansavańni teraryzmu i padryvie stabilnaści ŭ rehijonie. Usie hetyja abvinavačvańni Docha admaŭlaje.
