Maładaja buchhałtarka z Baranavičaŭ zachapiłasia anłajn-kazino i zmahła prajhrać paŭmiljona rubloŭ svaich klijentaŭ
Časam hulała cełyja sutki.
Ilustracyjnaje fota
28-hadovaja dziaŭčyna akazvała buchhałtarskija pasłuhi jurydyčnym asobam i indyvidualnym pradprymalnikam. Buchhałtar vypłačvała zarobki, pieraličvała padatkovyja płaciažy i ažyćciaŭlała inšyja hrašovyja apieracyi dla klijentaŭ. Adnak u kancy 2022-ha žančyna trapiła ŭ hulniavuju zaležnaść ad anłajn-kazino i stała kraści hrošy z rachunkaŭ svaich najmalnikaŭ, paviedamlaje SK.
Heta doŭžyłasia paŭtara hoda. Dziaŭčyna mieła dostup da kluč-kartaŭ z elektronnym ličbavym podpisam IP i jurydyčnych asob, joj byli dastupnyja raźlikovyja rachunki pradprymalnikaŭ. Z klijentami jana ŭzhadniała pamiery hrašovych pieravodaŭ, adnak pieraličvała zatym hrošy nie pa pryznačeńni, a dla svaich patreb. Usio raskryłasia, kali pradprymalniki pačali zaŭvažać niastaču, tady jany źviarnulisia ŭ milicyju.
Na dopycie zatrymanaja pryznałasia, što pakutuje na hulniavuju zaležnaść i nie mahła spynicca, tamu krała hrošy ŭ klijentaŭ.
«Dachodziła da taho, što fihurantka hulała ŭ anłajn-kazino praktyčna sutki, pakidajučy na son blizu dźviuch hadzin», — prakamientavali va USK.
Revizija ruchu hrašovych srodkaŭ pa rachunkach pradprymalnikaŭ i jurydyčnych asob pakazała, što ŭ sumie abvinavačanaja skrała ź ich rachunkaŭ zvyš 484 tysiač rubloŭ. Ale jašče ŭ pačatku 2023-ha fihurantka ŭziała 13 tysiač u doŭh u dvuch znajomych, jakija taksama prajhrała na staŭkach.
Biełaruscy inkryminujuć kradziež majomaści šlacham madyfikacyi kampjutarnaj infarmacyi ŭ asabliva bujnym pamiery, a taksama machlarstva, ździejśnienaje paŭtorna, u bujnym pamiery (č.4 art. 212, č. 3 art. 209 KK, što pahražaje siamiu hadami źniavoleńnia). Da suda jana ŭziataja pad vartu.
Čytajcie taksama:
26-hadovaja palašučka za šeść miesiacaŭ zrabiła 42 tysiačy stavak u anłajn-kazino
Buchhałtarka z Homiela padrablała daviedki, što zdaje kroŭ. Jaje padviała skvapnaść
Dziaŭčyna chacieła abyhrać kazino. Jana ŭlezła ŭ sumnieŭnuju spravu i straciła $1234
