Andrej Dyńko: «Rekanstrukcyi» ŭ Bresckaj krepaści — elemient falsifikacyi historyi
Ziemlaki z Bresta, kali vy ładzicie rekanstrukcyju padziej 22 červienia, to zładźcie i rekanstrukcyju nacyscka-savieckaha paradu na płoščy Lenina ŭ 39-m. Zładźcie i rekanstrukcyju taho, jak 22 červienia raźbiehlisia NKVDysty, achoŭniki turmy, i niavinna asudžanyja na śmierć vyjšli na volu. Siarod ich byŭ i budučy kardynał Kazimir Śviontek, naprykład. Turma taja jašče staić, zładźcie! Zładźcie rekanstrukcyju departacyj, jakimi zajmalisia budučyja abaroncy, bajcy kanvojnaha pałka NKVD, što ŭ krepaści raźmiaščaŭsia. Pryčym z abaviazkovym znachodžańniem u zakrytych vahonach-cialatnikach…
A inakš, kali vy biaskonca havorycie pra adny epizody našaj trahičnaj historyi i staranna maŭčycie pra inšyja, nie mienš važnyja, vašy rekanstrukcyi nasamreč nijakija nie rekanstrukcyi, a siervilnaja paŭpraŭda na zakaz.