Čatyrochhadovy chłopčyk ledź nie zvaliŭsia z 9-ha paviercha ŭ Rečycy
U Rečycy z akna dziaviataha paviercha ledź nie vypała čatyrochhadovaje dzicia.
Vyratavalnikam 20 červienia pastupiła paviedamleńnie ad supracoŭnikaŭ milicyi pra toje, što ŭ adčynienym aknie dziaviataha paviercha doma na vulicy Dastajeŭskaha poŭzaje maleńkaje dzicia. Aŭtaleśvica MNS praź piać chvilin užo była na miescy vykliku. Pry hetym supracoŭniku RAUS udałosia zavabić chłopčyka ŭnutr kvatery, jon razmaŭlaŭ z chłopčykam praz začynienyja ŭvachodnyja dźviery. U hety čas ratavalniki padnialisia ŭ adkrytaje akno kvatery. Pakul milicyja jechała za maci na pracu, supracoŭnik MNS znachodziŭsia z małym, čakajučy pryjezdu mamy.
Čatyrochhadovy chłopčyk - vychavaniec dziciačaha sada, jaho mama pracuje pradaŭcom. Dziakujučy zładžanym dziejańniam MNS i MUS na hety raz trahiedyi paźbiehnuć udałosia.
