Armija Izraila ŭziała pad kantrol pamiežny pierachod na miažy siektara Haza ź Jehiptam
Armija Izraila ŭziała pad kantrol pamiežny pierachod Rafach u siektary Haza na miažy ź Jehiptam, paviedamiła pres-słužba CACHAŁ.
Rafach. Fota: AP Photo/Ismael Abu Dayyah
Pa słovach pradstaŭnikoŭ armii, na miescy ažyćciaŭlajecca «apieratyŭny kantrol». Śpiecyjalnyja siły buduć nazirać za prapusknym punktam, taksama zadziejničanyja braniatankavyja padraździaleńni.
Jak paviedamlajecca, centralnaja daroha, jakaja złučaje paŭnočnuju i paŭdniovuju častki siektara Haza, taksama znachodzicca pad kantrolem Izraila.
Pavodle paviedamleńnia Ynet, padčas apieracyi byli zabityja 20 terarystaŭ i vyjaŭlenyja try ŭvachody ŭ tuneli. Akramia taho, byŭ źniščany načynieny vybuchoŭkaj aŭtamabil, izrailskija sałdaty nie paciarpieli.
U svajoj zajavie ab pačatku apieracyi ŭ Rafachu vajskoŭcy adznačyli, što žycharam, jak i supracoŭnikam mižnarodnych arhanizacyj, było prapanavana evakujavacca.
Rafach — apošni horad na poŭdni siektara Haza, jaki nie byŭ zaniaty izrailskimi vajskoŭcami ŭ chodzie apieracyi.
Čytajcie taksama:
Ułady Izraila vyrašyli zakryć telekanał Al Jazeera u krainie
Chrenin pachvaliŭ «mudruju i abačlivuju» ataku Irana na Izrail
