Mail.ru zapuskaje sacyjalnuju sietku Verb
Mail.ru Group inviestavała ŭ sacyjalnuju sietku Verb («Dziejasłoŭ»), raspracavanuju jaje ŭłasnymi supracoŭnikami i pradstaŭnikami «Jandeksa». Metavaja aŭdytoryja Verb — internet-karystalnik ad 12 da 21 hoda.
Funkcyjanał Verb dazvalaje pisać prostyja prapanovy-statusy («verby»): «Hladžu kino», «Zdaŭ ekzamien», «Čytaju knihu», «Rychtuju abied» i h.d. Paviedamleńnie možna dapoŭnić fatahrafijaj i hieateham. Za asablivuju aktyŭnaść karystalnik moža być ŭznaharodžvany «bejdžami» i moža ŭznačalić rejtynh. Asnoŭny sposab manietyzacyi mabilnaha dadatku — rekłama.
Mail.ru Group vałodaje tryma sacsietkami — VKontaktie, «Adnakłaśnikami» i «Maim śvietam». «Pa načach my płakali ŭ padušku i maryli pra pradukt dla miljonaŭ», — kažuć stvaralniki servisu. «Isnuje asobnaja niša dla takoha dadatku, Verb nie treba kankuravać ź isnujučymi sacyjalnymi sietkami: moładź usio jašče adčuvaje nieabchodnaść dzialicca z navakolnymi paŭsiadzionnymi spravami, takim čynam, ciapier hetaje žadańnie ŭ poŭnaj miery nie zdavalniaje ni adna dziejučaja sacyjalnaja sietka».
Zarehistravacca ŭ Verb možna praź inšyja sacsietki (naprykład, Ukantakcie abo Facebook). Dadatak pracuje jak na iOS, tak i na Android-hadžetach.
