Minčuk pasvaryŭsia ź dziaŭčynaj i parezaŭ koły siami aŭtamabilaŭ
21-hadovy miančuk pryjechaŭ u Barysaŭski rajon pravodzić siabra ŭ armiju. U razhar zastolla chłopcu patelefanavała jaho kachanaja, razmova ź jakoj skončyłasia svarkaj. Małady čałaviek pakinuŭ viečarynu i razzłavany nakiravaŭsia ŭ Barysaŭ, dzie spyniŭsia ŭ svajoj babuli.
uvd-mo.gov.by
«Pa šlachu dadomu minčuk spahnaŭ svaju złość na pryparkavanych aŭtamabilach, prabivajučy ich koły nažom. U niekatorych inšamarkach chulihan parezaŭ usie koły. Usiaho jon paškodziŭ 7 aŭtamabilaŭ», — raspaviali ŭ UUS Minabłvykankama.
Złačynstva było raskrytaje praź niekalki dzion. Milicyjanty praanalizavali zapisy z kamier videanazirańnia, na jakich udałosia vyznačyć maršrut złamyśnika. A ŭ chodzie apieratyŭna-pošukavych mierapryjemstvaŭ była vyśvietlenaja i jaho asoba. Akramia taho, ź miesca zdareńnia ekśpiertam Barysaŭskaha mižrajonnaha adździeła HKSE byŭ uziaty śled abutku, jaki staŭ dadatkovym dokazam pry raskryćci złačynstva.
U dačynieńni da padazravanaha raspačataja kryminalnaja sprava pa č. 1 art. 339 KK Biełarusi («Chulihanstva»). Jamu pahražaje da 3 hadoŭ pazbaŭleńnia voli. Taksama chłopca abaviažuć kampiensavać škodu haspadaram mašyn.