Šapira zrabiŭ prapanovu Łukašenku nakont minskaha «Dynama»
Lehijanieraŭ u minskim «Dynama» možna pakul zachavać, ale z časam pamianšać ich kolkaść. Takoje mierkavańnie vykazaŭ siońnia staršynia Fiederacyi chakieja Siamion Šapira na naradzie ŭ Łukašenki pa pytańniach raźvićcia chakieja ŭ krainie.
«Aktualnym źjaŭlajecca pytańnie limitu na lehijanieraŭ u «Dynama», — skazaŭ Siamion Šapira. — Prapanuju ŭ nastupnym siezonie zachavać kolkaść lehijanieraŭ da čatyroch čałaviek.
Hetaja pazicyja vyvierana i Fiederacyjaj chakieja, i abmiarkoŭvali my jaje z udzielnikami narady. Dalej — źmianšać hetuju płanku pry ŭmovie, što biełaruskija chakieisty buduć hatovyja na roŭnych kankuravać z supiernikami pa lizie, a kamanda pakazvać hodny ŭzroŭniu dziaržaŭnaj padtrymki vynik».
Razam z tym, adznačyŭ jon, poŭnaja admova ad zamiežnikaŭ značna źnizić finansavuju nahruzku na kłub. Heta dazvolić jamu zekanomić nie mienš jak $3 młn. Ź inšaha boku, dadzienaje rašeńnie moža niehatyŭna adbicca na vynikach kamandy i, jak śledstva, mahčyma, źnizicca naviedvalnaść hulniaŭ ź jaje ŭdziełam. A bo kłub niasie vielizarnuju sacyjalnuju funkcyju i źjaŭlajecca lideram KCHŁ pa kolkaści zaŭziataraŭ na trybunach.
