Pucin prykłaŭsia da moščaŭ Mikałaja Cudatvorca: sacsietki ŭ isterycy FOTA
Fota Dźmitryja Śmirnova.
Prezident Rasii Uładzimir Pucin zajechaŭ u chram Chrysta Zbaviciela i prykłaŭsia da moščaŭ śviaciciela Mikałaja Cudatvorca.
Moščy śviatoha Mikałaja pryvieźli ŭ Maskvu 21 maja ź italjanskaha horada Bary. Da hetaha dnia ich adtul nie vyvozili na praciahu 930 hadoŭ. U chramie Chrysta Zbaviciela jany prabuduć da 12 lipienia. Paśla hetaha ich pieraviazuć u Sankt-Pieciarburh, tam jany buduć dastupnyja da 28 lipienia.
Pra toje, kab moščy śviatoha Mikałaja pryvieźli ŭ Rasiju, patryjarch damoviŭsia z Papam Francyskam padčas sustrečy ŭ lutym minułaha hoda na Kubie, piša RBK.
Fota Pucina vykłaŭ u Twitter žurnalist kramloŭskaha puła Dźmitryj Śmirnoŭ.
Karystalniki sacsietki Twitter masava adreahavali žartami, piša rasijskaje vydańnie obozrevatel.com.
«Da Lenina ŭ Maŭzalej kali pojdzie prychinucca?» — zadajuć pytańnie karystalniki.
«Kali Pucin prykłaŭsia da moščaŭ śviatoha Sierhija Radaniežskaha, Śviaty pasprabavaŭ adpaŭźci!» — žartujuć karystalniki.
