U Minsku pačałasia mižnarodnaja vystava ŭzbrajeńniaŭ MILEX-2017
Pa maštabach, składzie i ŭzroŭni ŭdzielnikaŭ, najaŭnaści vystavačnaj infrastruktury jana ličycca adnoj z najbujniejšych va ŭschodniejeŭrapiejskim rehijonie, paviedamlaje BiełTA.
Ministr abarony Andrej Raŭkoŭ.
Probašč Čyrvonaha kaścioła ŭ Minsku Uładzisłaŭ Zavalniuk u formie vajskovaha kapiełana.
Adkryćcio było vidoviščnym.
Pakazali vajskovuju hulniu — adbićcio ataki bandfarmavańnia, jakoje ŭvarvałasia z-za miažy i sprabavała zachapić biełaruski horad.
Upieršyniu prademanstravali braniravanyja mašyny «Kajman» biełaruskaj vytvorčaści.
VIP-łoža.
Cyrymonija adkryćcia prajšła na terytoryi aeradromnaha kompleksu aeraporta Minsk-1.
Asnoŭnaj placoŭkaj stanie spartkompleks «Minsk-Arena». Jak paviedamili ŭ pres-słužbie Dziaržkamvajenprama, mierapryjemstva naviedajuć bolš za 50 aficyjnych delehacyj z 30 krain - jak tradycyjnych dziaržaŭ-partnioraŭ, tak i patencyjnych dziaržaŭ-zakazčykaŭ biełaruskaj vajskovaj techniki i ŭzbrajeńnia.
U vystavie prymuć udzieł amal 140 ekspanientaŭ ź Biełarusi, Hiermanii, Kitaja, Kazachstana, Rasii, Słavakii i Ukrainy. Kampanii z Hiermanii i Słavakii ŭ hetym hodzie ŭpieršyniu prymajuć udzieł.
Bolš za 350 uzoraŭ ŭzbrajeńnia i vajennaj techniki pradstaviać 11 rasijskich pradpryjemstvaŭ abaronna-pramysłovaha kompleksu. Druhi raz svaje mahčymaści ŭ Minsku prademanstrujuć vytvorcy z Kitaja.
Ekspanavać pradukcyju buduć amal 80 biełaruskich pradpryjemstvaŭ i ŭstanoŭ adukacyi. Navukova-techničnyja raspracoŭki pradstaviać arhanizacyi i navučalnyja ŭstanovy Ministerstva abarony, Dziaržaŭnaha pahraničnaha kamiteta, MNS, a taksama Nacyjanalnaj akademii navuk Biełarusi. Arhanizacyi, jakija ŭvachodziać u sistemu Dziaržkamvajenprama, upieršyniu na vystavie prezientujuć kala 90 uzoraŭ ŭzbrajeńnia, vajskovaj i śpiecyjalnaj techniki. Heta i srodki ruchomaści, srodki radyjołakacyi, radyjoelektronnaj raźviedki i baraćby, srodki paražeńnia.
Akramia taho, vyznačana ekspazicyja z adzinak techniki sa składu Ministerstva abarony, jakaja raspracavana, vyrablena na pradpryjemstvach abaronnaha siektara ekanomiki i za apošnija niekalki hadoŭ pryniataja na ŭzbrajeńnie Uzbrojenych Sił. Heta radyjołakacyjnyja kompleksy, mabilnyja radyjorelejnyja stancyi, srodki radyjoelektronnaj baraćby, kompleksnyja srodki aŭtamatyzacyi KP roznych uzroŭniaŭ VPS i vojskaŭ SPA i inš.
Na adkrytaj placoŭcy aeradromnaha kompleksu aeraporta Minsk-1 taksama budzie raźmieščana ekspazicyja vajennaj techniki časoŭ Vialikaj Ajčynnaj vajny. Heta tanki T-34-85, T-34-76, IS-2, IS-3, BT-7, KV-1, samachodnyja ŭstanoŭki SU-100-10 i Isa-152, stvolnaja i reaktyŭnaja artyleryja BM-13 «Kaciuša», 76-mm harmata ZIS i 45-mm STH.
Važnym składnikam vystavy stanie jaje dziełavaja prahrama. Projduć pasiadžeńni dziełavoha savieta pry Miždziaržaŭnaj kamisii pa vajenna-ekanamičnym supracoŭnictvie ADKB i Kaardynacyjnaha savieta ŭpaŭnavažanych orhanaŭ dziaržaŭ ADKB pa pytańniach rekłamna-vystavačnaj dziejnaści. Zapłanavana mižnarodnaja navukovaja kanfierencyja pa vajskova-techničnych prablemach, jakuju ŭ hetym hodzie płanujecca pravieści ŭ farmacie siekcyjnych pasiadžeńniaŭ.
Jak čakajecca, u pasiadžeńniach prymuć udzieł pradstaŭniki navukovych ustanoŭ, navukova-vytvorčych abjadnańniaŭ i kanstruktarskich biuro, kiraŭniki, navukoŭcy i śpiecyjalisty ź Biełarusi, Rasii i Kitaja.
