Zatrymany pjanym za rulom načalnik Stolinskaha RAUS zvolnieny ź milicyi
Načalnik Stolinskaha RAUS, jaki byŭ zatrymany pjanym za rulom, zvolnieny z orhanaŭ unutranych spraŭ, paviedamiŭ BIEŁTA aficyjny pradstaŭnik UUS abłvykankama Siarhiej Dučenka.
«Hałoŭnym upraŭleńniem ułasnaj biaśpieki zavieršanaja pravierka ŭ dačynieńni da načalnika Stolinskaha RAUS. Pa jaje vynikach pryniataje rašeńnie ab jaho zvalnieńni z orhanaŭ unutranych spraŭ», — skazaŭ Siarhiej Dučenka.
Eks-načalnik Stolinskaha RAUS taksama aštrafavany pavodle č. 1 st. 18.16 KoAP (kiravańnie transpartnym srodkam asobaj, jakaja znachodzicca ŭ stanie apjanieńnia) na 50 bazavych vieličyń (1 BV roŭnaja Br23). Taksama jon pazbaŭleny prava kiravańnia transpartnymi srodkami terminam na try hady.
Nahadajem, 22 krasavika padpałkoŭnik milicyi Viačasłaŭ Filipčyk, jaki zajmaŭ pasadu načalnika Stolinskaha RAUS, byŭ zatrymany rejdavaj hrupaj MUS u vioscy Haleva Pinskaha rajona za kiravańnie aŭtamabilem u stanie ałkaholnaha apjanieńnia. U momant zatrymańnia jon znachodziŭsia ŭ adpačynku.
