Pamior zasnavalnik amierykanskaha telekanała Fox News
Zasnavalnik i były kiraŭnik amierykanskaha infarmacyjnaha telekanała Fox News Rodžer Ejłs pamior va ŭzroście 77 hadoŭ. Ejłs kiravaŭ kanałam z momantu jaho zapusku ŭ 1996 hodzie da vymušanaj adstaŭki na fonie seks-skandału ŭ 2016 hodzie, piša VBS.
Getty
Pra śmierć Ejłsa paviedamiła jaho žonka Elizabet.
Rodžer Ejłs uznačalvaŭ Fox News z momantu zapusku telekanała ŭ 1996 hodzie i da leta 2016 hoda.
Da hetaha jon pracavaŭ miedyjakansultantam u prezidentaŭ ZŠA ad Respublikanskaj partyi Ryčarda Niksana, Ronalda Rejhana i Džordža Buša.
ŚMI paviedamlali, što Ejłs taksama kansultavaŭ Donalda Trampa padčas jaho prezidenckaj kampanii, paśla taho jak pakinuŭ Fox News. Pavodle hetych paviedamleńniaŭ, jon dapamahaŭ budučamu prezidentu padrychtavacca da debataŭ.
Letam 2016 hoda Ejłs byŭ vymušany pakinuć svoj post. Heta adbyłosia paśla taho, jak byłaja viadučaja Fox News Hretchien Karłsan źviarnułasia ŭ sud. Jana śćviardžała, što Ejłs zvolniŭ jaje paśla taho, jak taja niekalki razoŭ adchiliła jaho damahańni.
76-hadovy Ejłs adchiliŭ abvinavačvańni ŭ svoj adras i zajaviŭ, što heta pomsta televiadučaj za toje, što kanał nie praciahnuŭ ź joj kantrakt.
Svoj sychod jon patłumačyŭ tym, što pieratvaryŭsia z paŭnavartasnaha supracoŭnika redakcyi ŭ «adciahvajučy faktar».
Telekanał Fox News naležyć miedyjakancernu Fox Entertainment Group, jaki ŭvachodzić u skład chołdynhu 21st Century Fox Rupierta Miordaka.
