Biełčyhunka z 20 maja pryznačyła chutkasnyja elektryčki ź Minska ŭ Žodzina i Barysaŭ
Biełaruskaja čyhunka z 20 maja pryznačyła paskoranyja ciahniki rehijanalnych linij ekanomkłasa paviedamleńniem Minsk-Žodzina-Minsk i Minsk-Barysaŭ-Minsk, paviedamili ŭ pres-centry BČ.
Pa maršrucie Minsk-Žodzina štodnia ciahnik budzie adpraŭlacca sa stancyi Minsk-Pasažyrski ŭ 5.27 i prybyvać u Žodzina ŭ 6.23. Sastaŭ zrobić nastupnyja prypynki: Minsk-Uschodni, Traktarny, Smalavičy, Zarečnaje, Čyrvonaje Znamia, Žodzina-Paŭdniovaje. U zvarotnym kirunku ciahnik spynicca čatyry razy: Žodzina-Paŭdniovaje, Čyrvonaje Znamia, Zarečnaje, Smalavičy. Ciahnik budzie adpraŭlacca z Žodzina ŭ 7.22 i prybyvać na stancyju Minsk-Pasažyrski ŭ 8.22.
Pa maršrucie Minsk-Barysaŭ sa stancyi Minsk-Pasažyrski ciahniki buduć adpraŭlacca štodnia ŭ 8.40 i 16.53 z prybyćciom u Barysaŭ u 9.52 i ŭ 18.05 adpaviedna. Z Barysava ciahniki buduć adpraŭlacca ŭ 10.40 i 19.10 i prybyvać na stancyju Minsk-Pasažyrski ŭ 12.00 i 20.29 adpaviedna.
Pa piatnicach, subotach i niadzielach pa maršrucie Minsk-Barysaŭ-Minsk dadatkova budzie kursavać jašče adzin ciahnik. Čas adpraŭleńnia sastavu sa stancyi Minsk-Pasažyrski — 12.20, prybyćcia ŭ Barysaŭ — 13.32. U zvarotnym kirunku ciahnik budzie adpraŭlacca z Barysava ŭ 14.24 i prybyvać na stancyju Minsk-Pasažyrski ŭ 15.42. Dadzienyja ciahnika ŭ šlachu prytrymlivańnia zrobiać nastupnyja prypynki: Minsk-Uschodni, Traktarny, Ściapianka, Aziaryšča, Kałodziščy, Haradzišča, Smalavičy, Zarečnaje, Čyrvonaje Znamia, Žodzina-Paŭdniovaje, Žodzina, Piačynski.
U pres-centry adznačyli, što heta rašeńnie pryniataje dla pavyšeńnia jakaści transpartnaha absłuhoŭvańnia BČ, a taksama z ulikam pažadańniaŭ pasažyraŭ.
Bolš padrabiazna z hrafikam ruchu paskoranych ciahnikoŭ rehijanalnych linij ekanomkłasa paviedamleńniem Minsk-Barysaŭ-Minsk i Minsk-Žodzina-Minsk možna aznajomicca na sajcie Biełaruskaj čyhunki rw.by, u čyhunačnych kasach i pa telefonach daviedačnych słužbaŭ.
