Parašenka vyrašyŭ zakryć aficyjnyja staronki ŭ «Adnakłaśnikach» i «Ukantakcie»

Prezident Ukrainy Piatro Parašenka abviaściŭ, što zakryvaje aficyjnyja staronki ŭ sacyjalnych sietkach «Ukantakcie» i «Adnakłaśniki». Pasty z zajavaj źjavilisia na abiedźviuch staronkach dniom 16 maja.

Parašenka taksama zaklikaŭ usich ukrainskich hramadzian «nieadkładna vyjści» z rasijskich servisaŭ «ź mierkavańniaŭ biaśpieki». Staronki prezidenta Ukrainy ŭ Twitter, Facebook i Instagram zastanucca aktyŭnymi.

16 maja byŭ apublikavany ŭkaz prezidenta Ukrainy pra ŭvod novych sankcyj suprać Rasii i rasijskich kampanij. Sankcyi, u pryvatnaści, praduhledžvajuć błakiroŭku na terytoryi krainy dostupu da bujnych rasijskich sacsietak i internet-servisaŭ: «Ukantakcie», «Adnakłaśniki», Mail.Ru i «Jandeks».

meduza.io

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0