Va Ukrainie zabłakavali dostup da «Ukantakcie», «Jandeksa» i «Adnakłaśnikaŭ»
Prezident Ukrainy Piatro Parašenka padpisaŭ ukaz pra novyja sankcyi suprać Rasii, jakija praduhledžvajuć, u pryvatnaści, błakavańnie dostupu da sacsietak «Ukantakcie» i «Adnakłaśniki». Akramia hetaha dostup budzie zabłakavany da ŭsich servisaŭ «Jandeksa». Tekst ukaza apublikavany na aficyjnym sajcie kiraŭnika dziaržavy.
Dostup da sacsietak zabłakavany ŭ ramkach abmiežavańniaŭ, nakładzienych na Mail.Ru Group. Pravajdary taksama pavinny buduć zabłakavać dostup da sajta Mail.ru.
Błakavanyja taksama buduć sajty antyvirusnych kampanij «Łabaratoryja Kaśpierskaha» i DrWeb.
Ekanamičnyja sankcyi (błakavańnie aktyvaŭ, zabaronu na tranzakcyi i viaščańnie) taksama ŭviedzienyja suprać najbujniejšych rasijskich telekampanij: «TV Centr», RBK, VHTRK, «NTV-Plus», «Źviezda», TNT, RIEN, ORT.
***
«Jandeks», «Ukantakcie» i «Adnakłaśniki» - lidzirujučyja pa naviedvalnaści sajty ŭkrainskaha siehmienta internetu. Dla «Ukantakcie» Ukraina źjaŭlajecca druhim pa pamiery rynkam paśla rasijskaha.
