Na 37-m hodzie žyćcia pamior Valancin Ebiert, były chakieist minskaha «Dynama»
U Navapołacku na 37-m hodzie žyćcia pamior Valancin Ebiert — viadomy abaronca, jaki paviesiŭ kańki na ćvik usiaho dva hady tamu, paviedamlaje pressball.by.
Jon vystupaŭ za «Minsk», «Chimvałakno», «Kieramin», «Viciebsk», «Junactva», minskaje «Dynama», a apošnija piać siezonaŭ pravioŭ u «Chimiku»-SKA, dzie paśla zaviaršeńnia karjery zastaŭsia pracavać načalnikam kamandy. Ebiert adyhraŭ u biełaruskaj ekstralizie 668 matčaŭ (nabraŭ 163 (43+120) ački), i pa hetym pakazčyku ŭvachodzić u dziasiatku najlepšych za ŭsiu historyju nacyjanalnaha pieršynstva. Jon vyjhravaŭ zołata (2002, -04), srebra (2000, -01, -06, -07, -14, 15) i bronzu (2005, -08) nacyjanalnaha čempijanatu. Ź junackaj i moładzievaj zbornaj udzielničaŭ u čempijanatach Jeŭropy i śvietu.