Svajo kino — kino, stvoranaje biełarusami ci pra Biełaruś. Dałučajciesia da pakazu 22 maja
22 MAJA ŭ minskim «ART-kinateatry» (pr-t Dziaržynskaha,104, st.m. «Piatroŭščyna») u ramkach prajekta «SVAJO KINO: lubim i hladzim» razam ź BIEŁSAT TV adbudziecca aŭtarski viečar viadomaha biełaruskaha režysiora-dakumientalista Andreja Kuciły. Buduć pradstaŭlenyja filmy «Car hary» (2017) i «Mimachodździe» (2016).
Trejler pakazu možna pahladzieć tut.
Što takoje «Svajo Kino»?
Prajekt «Svajo Kino» — heta pakazy novaha biełaruskaha kino, nietryvijalnaha, jakasnaha i svojeasablivaha, a taksama žyvy kantakt, znajomstva i dyskusii hledačoŭ z aŭtarami, krytykami i hierojami karcin.
«Svajo Kino» — heta i hulniovaje, i dakumientalnaje kino, i animacyja. Hałoŭny pryncyp — film stvorany biełarusami abo tak ci inakš źviazany z našaj krainaj, jaje minułym, sučasnym i budučym.
Heta pakazy dla ŭsich, kaho cikavić dobraje, zajmalnaje kino, jakoje padymaje pytańni i aśviatlaje prablemy. Asnoŭnaja meta prajekta «Svajo Kino» — źmianić staŭleńnie šyrokaj publiki da sučasnaha biełaruskaha kino, dapamahčy ajčynnym aŭtaram znajści svajho hledača, ubačyć temy i prablemy, cikavyja tut i ciapier.
Pakazy prajekta «Svajo Kino» prachodziać štomiesiac ciaham usiaho hoda ŭ kamfartabielnym sučasnym kinateatry. Prajekt vyrašaje prablemu, źviazanuju z vychadam biełaruskich filmaŭ i ich aŭtaraŭ da svajoj publiki.
Viadučy — Anton SIDARENKA, žurnalist, kinakrytyk, aŭtar błoha na kinopark.by, zasnavalnik kinakłuba «Fienomieny kino» ŭ kinateatry «Rakieta».
«Car hary»
Biełaruś, 2017
Chranamietraž: 46 chvilin.
Biełaruski videabłohier i małady fiermier Siamion, jak čałaviek pravasłaŭny i ščyry viernik, zaŭsiody lubiŭ fiłasofstvavać pra byćcio, zachaplacca matuchnaj-pryrodaj i dzialicca hetym z usim śvietam. Užo piać hadoŭ jon z žonkaj žyvie ŭ vioscy, dzie haduje dvuch maleńkich synoŭ i razvodzić aviečak. Zdavałasia, radasnamu, harmaničnamu isnavańniu ŭ hłušy ništo nie moža pieraškodzić. Adnak miascovym žycharam i administracyi nie padabajecca niezaležny ŭkład žyćcia maładoj siamji, ich adkrytaje ihnaravańnie ahulnych praviłaŭ žyćcia ŭ vioscy i žyviołahadoŭli. Šerah sudovych sprečak vymotvajuć Siamiona, jaho videabłoh napaŭniajecca sarkazmam ŭ dačynieńni da rańnich iluzij pra ramantyčnaje žyćcie na ŭłońni pryrody, malitvy Bohu ŭžo nie dapamahajuć i fiermier vyrašajecca na adčajny krok …
«Mimachodździe»
Biełaruś, 2016
Chranamietraž: 14 chvilin.
U typovym savieckaha vyhladu haradku na adnoj z šerych vulic ciažka nie zaŭvažyć dvor, u jakim uzvyšajucca biusty zmaharoŭ za Biełaruś. Tut mieścicca adziny pryvatny muziej u horadzie i samy bujny pryvatny muziej u krainie. Vučony, akademik Anatol Bieły ŭsio svajo žyćcio pakłaŭ, kab stvaryć hety muziej. Niadaŭna jon pamior. Ale ci treba siońnia miascovym žycharam, jak i ŭsiamu biełaruskamu narodu, sabranyja nacyjanalnyja kaštoŭnaści dy ŭvohule historyja Biełarusi, nacyjanalnaja pamiać?
Andrej Kuciła
Andrej Kuciła naradziŭsia ŭ horadzie Baranavičy. Z 2002 pa 2007 hady navučaŭsia ŭ Biełaruskim dziaržaŭnym univiersitecie pa śpiecyjalnaści «mižnarodnaja žurnalistyka». Va univiersitecie kiravaŭ videastudyjaj pry studenckim haradku. Tam pačaŭ zdymać svaje pieršyja dakumientalnyja filmy. Z 2007 pa 2009 hady vučycca ŭ Biełaruskaj akademii mastactvaŭ u majsterni Alaksandra Karpava małodšaha. Andrej źniaŭ bolš za dziesiać dakumientalnych stužak, jakija mieli premjery na prestyžnych kinafiestyvalach takich jak, International Documentary Film Festival Amsterdam - IDFA (Netherlands, Amsterdam), International Leipzig Festival for Documentary and Animated Film - DOK Leipzig (Germany, Leipzig), Krakow Film Festival (Poland, Krakow), International Documentary Film Festival - Document (United Kingdom, Glasgow), European Film Festival for Documentaries - dokumentART (Germany, Neubrandenburg) dy inšych.
Pabliki ŭ sacsietcy Fejsbuk:
Prajekt «SVAJO KINO»
Centr sučasnaja kultury BIAHUČAJA ČARAPACHA
Kvitki: 6-7 BYN, bycard.by
Arhanizatary i partniory prajekta:
Artkinotieatr, Centr sučasnaj kultury «Biahučaja Čarapacha/Running Turtle, Anton Sidorenko, SVAJO KINO: Lubim i hladzim
Pa dadatkovuju infarmacyju źviartajciesia:
Natalla Bružnik (centr sučasnaj kultury «Biahučaja čarapacha») +375 29 142-25-20.
Ustanova «Centr sučasnaj kultury «Biahučaja čarapacha» UNP 192645637
