Arhkamitet «Jeŭrabačańnia-2017» rezka prakamientavaŭ kanfuz z hołym azadkam padčas vystupu Džamały
Arhanizatary piesiennaha Jeŭrabačańnie-2017 prakamientavali skandalnuju vychadku Vitala Siedziuka padčas finału konkursu 13 maja.
«My aburanyja, i nijakim čynam nie padtrymlivajem takija pravakacyi. Vinavaty pavinien panieści adkaznaść za toje, što ździejśniŭ», - adznačyŭ vykanaŭčy pradziusar Jeŭrabačańnia-2017 Pavieł Hrycak. Zaraz arhkamitet Jeŭrabačańnia-2017 pravodzić ułasnaje ŭnutranaje rasśledavańnie, ab vynikach jakoha budzie paviedamlena dadatkova.
Akramia taho, arhkamitet Jeŭrabačańnia va Ukrainie prynios prabačeńni Džamale i jaje kamandzie za fors-mažorny vypadak, jaki adbyŭsia padčas jaje vystupu ŭ pramym efiry.
Jak paviedamlałasia, padčas vystupu Džamały ŭ kancy finalnaha šou Siadziuk vybieh na scenu i ahaliŭ azadak. Hetaja vychadka była pakazana ŭ pramym efiry finała «Jeŭrabačańnia-2017». Achova chutka zreahavała i zabrała Siedziuka sa sceny.
