Raśsielhasnahlad uzmocnić kantrol dzieviaci biełaruskich małočnych pradpryjemstvaŭ
Raśsielhasnahlad z 15 maja uzmocnić łabaratorny kantrol dzieviaci pradpryjemstvaŭ ź Biełarusi, havorycca ŭ pres-relizie, jaki apublikavany na sajcie arhanizacyi.
Pa dadzienych nahladnaha viedamstva, padviedamnaje jamu «Branskaja MVŁ» vyjaviła nieadpaviednaści normam i patrabavańniam Rasii i Jeŭrazijskaha ekanamičnaha sajuza (JEES) u pradukcyi žyviolnaha pachodžańnia, jakaja pastupiła ź Biełarusi.
Uzmocniena kantralavać pačnuć: AAT «Słucki syrarobny kambinat» i jaho Kapylski i Lubanski filijały, AAT «Baranavicki małočny kambinat», AAT «Kobrynski masłasyrzavod», AAT «Pružanski małočny kambinat», AAT «Babuškina krynka», AAT «Małočnaja kampanija «Navahrudskija dary», AAT «Maładziečanski małočny kambinat», KVUP «Mazyrskija małočnyja pradukty» i AAT «Lepielski małočna-kansiervavy kambinat».
Taksama časova abmiažujuć pastaŭku pradukcyi z PUP «Małočny polus» z-za paŭtornaha vyjaŭleńnia reštkaŭ narfłaksacynu i afłaksacynu, a taksama pienicylinu i tyłazinu ŭ suchim abiastłuščanym małace.