SBU: Čałaviek, jaki sačyŭ za Šaramietam pierad zabojstvam, syšoŭ ź viedamstva paśla pieramohi Majdanu
U Słužbie biaśpieki Ukrainy zajavili, što były supracoŭnik struktury, zaŭvažany ŭ časie sačeńnia za domam, dzie žyŭ Šaramiet, pierad zabojstvam apošniaha, byŭ zvolnieny sa svajoj pasady ŭ viedamstvie 29 krasavika 2014 hoda.
Nahadajem, što heta byŭ momant, kali Rasija zachapiła Danbas i ažyćciaŭlała apieracyi pa zachopie Adesy i Charkava, jakija Ukrainie ŭdasca sarvać.
Zvalnieńnie 29 krasavika aznačaje, što toj čałaviek byŭ padaŭ na zvalnieńnie raniej — paśla pieramohi Majdanu i anieksii Kryma.
Čytajcie taksama: Poŭny tekst rasśledavańnia Killing Pavel
«Paviedamlajem, što Uścimienka Ihar Andrejevič byŭ zvolnieny z SB Ukrainy 29 krasavika 2014 hoda, — paviedamiła pres-sakratarka SBU Alena Hitlanskaja. — Kali b žurnalisty źviarnulisia da nas z zapytam pra pana Uścimienka nie paśla vychadu prahramy ŭ efir, a da jaje, mahčyma, nie było b pra što havaryć», — napisała jana ŭ fejsbuku.
Žurnalisckaje rasśledavańnie zabojstva Paŭła Šaramieta vyjaviła niekatoryja novyja detali.
U pryvatnaści, havorycca, što Uścimienka byŭ zaŭvažany na videa z kamier nazirańnia ŭ noč pierad zabojstvam žurnalista Paŭła Šaramieta.