DAI sa stralaninaj spyniała pjanaha kiroŭcu pad Barysavam
Pahonia sa stralaninaj adbyłasia ŭviečary 7 traŭnia ŭ Barysaŭskim rajonie Minščyny. Padrabiaznaści inicydentu ahienctvu BiełTA raspavioŭ staršy inśpiektar pa asablivych daručeńniach UDAI MUS Biełarusi Stanisłaŭ Sałaviej.
Incydent zdaryŭsia kala vioski Hlivin. Daišniki pabačyli aŭtamabil VAZ-2110 biez rehistracyjnych znakaŭ, jaki ruchaŭsia ŭ bok Bierazino. Inśpiektary dali kiroŭcu znak spynicca, ale jon ich praihnaravaŭ.
Daišniki nakiravalisia ŭ pahoniu, nieadnarazova patrabujučy, kab kiroŭca «Žyhuloŭ» spyniŭsia. Uciekača nie napałochali navat papieradžalnyja streły ŭ pavietra. Tolki streły pa kołach dazvolili zatrymać aŭtamabil.
Vyjaviłasia, što za rulom byŭ niećviarozy 32-hadovy kiroŭca. Na jaho skłali niekalki administracyjnych pratakołaŭ.
Darečy, 7 traŭnia supracoŭniki DAI zatrymali 105 niećviarozych kiroŭcaŭ — heta ŭdvaja bolš, čym u zvyčajnyja dni.
DAI praciahvaje pracavać va ŭzmocnienym režymie 8—9 maja.