Naviband na čyrvonaj darožcy «Jeŭrabačańnia» FOTAFAKT
U Kijevie 7 maja prajšła ŭračystaja cyrymonija adkryćcia «Jeŭrabačańnia-2017». Delehacyi 42 krain-udzielnic prajšli pa čyrvonaj darožcy, prademanstravaŭšy svaje ŭbory. Napiaredadni da ŭkraincaŭ źviarnuŭsia prezident krainy Piotr Parašenka.
Biełaruskija ŭdzielniki Naviband na čyrvonaj darožcy «Jeŭrabačańnia». Fota: urovision.tv.
Jon pažadaŭ ukraincam adčuć siabie narodnymi dypłamatami ŭ dni praviadzieńnia piesiennaha konkursu. Parašenka padkreśliŭ, što Ukraina značna paźniej za inšyja krainy dałučyłasia da hetaha konkursu, ale ŭžo ŭ druhi raz prymaje «Jeŭrabačańnie» u siabie. Na dumku prezidenta, jakaja b kraina ni vyjhrała konkurs, jon stanie uračystaściu jeŭrapiejskich kaštoŭnaściaŭ, jeŭrapiejskaha adzinstva i salidarnaści, paviedamili ŭ pres-słužbie kiraŭnika dziaržavy.
Na cyrymonii adkryćcia haściej vitali pieršaja łedzi Ukrainy Maryna Parašenka i mer Kijeva Vital Kličko. Na kancercie vystupili Džamała, Aleh Skrypka, hurt «Druha Ryka», Rusłana ŭ supravadžeńni Nacyjanalnaha arkiestra narodnych instrumientaŭ Ukrainy, pieradaje 112.ua.
Biełaruskija ŭdzielniki «Jeŭrabačańnia» Naviband vystupiać padčas druhoha paŭfinału 11 maja. Jany śpiajuć pa-biełarusku pieśniu «Historyja majho žyćcia».
