Deputat, jaki prapanavaŭ zdać Krym u arendu Rasii, pazbaŭleny ŭkrainskaha hramadzianstva
Deputat Viarchoŭnaj rady Andrej Arciomienka pazbaŭleny hramadzianstva Ukrainy, paćvierdzili Dziaržaŭnaja mihracyjnaja słužba i ministerstva ŭnutranych spraŭ krainy, paviedamlaje DW. Kamisija pa pytańniach hramadzianstva pry prezidencie Ukrainy razhledzieła materyjały ŭ dačynieńni da Arciomienki 25 krasavika. Rašeńnie ab pazbaŭleńni hramadzianstva prymaje prezident, pakazvaje MUS.
Pra toje, što prezident Ukrainy Piatro Parašenka pazbaviŭ hramadzianstva deputata Arciomienku, raniej paviedamlaŭ staršynia frakcyi Radykalnaj partyi Aleh Laško. Pavodle jaho słoŭ, rašeńnie było pryniataje ŭ suviazi z tym, što ŭ 2005 hodzie Arciomienka pryniaŭ hramadzianstva Kanady. Sam Arciomienka tady nazvaŭ hetaje paviedamleńnie falšyŭkaj.
U lutym hazieta The New York Times apublikavała materyjał ab tym, što Arciomienka prapanavaŭ ZŠA płan urehulavańnia rasijska-ŭkrainskaha kanfliktu. Jon praduhledžvaŭ refierendum ab pieradačy Kryma ŭ arendu Rasii na 50 ci 100 hadoŭ. Paśla hetaj publikacyi ŭkrainskija śledčyja orhany raspačali ŭ dačynieńni da Arciomienki spravu ab dziaržaŭnaj zdradzie.
Usiaho z 2012 pa 2016 hadoŭ ukazam prezidenta Ukrainy hramadzianstva stracili 323 čałavieki.
