U Minsk pryjechała vystava World Press Photo 2017 — najlepšyja FOTY
Z 4 da 24 maja ŭ Minsku prachodzić mižnarodnaja vystava World Press Photo 2017.
Na vystavie možna budzie pabačyć najlepšyja suśvietnyja pres-fatahrafii 2017 hoda. Ekspazicyja budzie adkrytaja dla naviedvańnia z 12:00 da 21:00 u prastory CECH, Kastryčnickaja 16.
Suśvietnaje pres-fota hoda:
19 śniežnia turecki aficer palicyi Mieŭlut Miert Ałtyntaš zabiŭ rasijskaha ambasadara Andreja Karłava padčas vystupu dypłamata ŭ mastackaj halerei ŭ Ankary (Turcyja).
«Zabojstva ŭ Turcyi» Burchan Eźbilidžy, The Associated Press
Pieramožca ŭ naminacyi «Aktualnyja temy» — pieršaje miesca
9 lipienia 27-hadovaja amierykanka Aiša Evanz adstojvaje svajo mierkavańnie la palicejskaha departamientu Batan-Ruž padčas demanstracyi suprać palicejskaha hvałtu ŭ dačynieńni čornaha nasielnictva ŭ Łuizijanie.
«Adstojvańnie mierkavańnia ŭ Batan-Ruž», Džonatan Bekmen, Reuters
Štodzionnaść — pieršaje miesca, adzinkavaje fota:
Sakavik. Nadžyba trymaje svajho dvuchhadovaha plamieńnika Šabira, jakoha paraniła vybucham bomby. Vybuch u stalicy Afhanistanu Kabule zabiŭ jahonuju siastru. Bomba zdetanavała, kali dzieci išli ŭ škołu.
«Maŭklivyja achviary zabytaj vajny» Poła Branštejn, repartaž Getty Images dla Pulitzer Center on Crisis Reporting
Pieramožca ŭ naminacyi «Ahulnyja naviny» — pieršaje miesca, adzinkavaje fota
Dziaŭčynka staić znadvorku, pakul členy antyterarystyčnaha bataljona Irakskich vojskaŭ admysłovaha pryznačeńnia (IVAP) abšukvajuć damy ŭ pramysłovaj zonie Huhžały — uschodnim pradmieści Masułu — padčas vyzvaleńnia hetaha irakskaha horada.
«Nastup na Masuł», Łaran Van der Stokt, fotarepartaž Getty Images dla Le Monde
Sport — pieršaje miesca, sieryja fota. Frahmient
Rehbi-kłub «Brudny Jork» (Muddy York), zasnavany ŭ 2003 h. — pieršaja ŭ Taronta pryjaznaja da hiejaŭ kamanda. Jana paŭstała, kab źniapraŭdzić dumku, što mužčyny-hiei nie prydatnyja dla žorstkich vidaŭ sportu nakštałt rehbi, i kab zmahacca sa stereatypami što da spartoŭcaŭ-hiejaŭ. U Kanadzie ciapier jość try pryjaznyja da hiejaŭ kamandy.
«Chłopcy zastajucca chłopcami», Džavańni Kapryjoci
Pryroda — pieršaje miesca, sieryja fota. Frahmient
U Azii imkliva raście popyt na rohi nasaroha, jakija zdaŭna ceniacca za ich miedyčnyja vartaści. Rost dabrabytu ŭ rehijonie aznačaje, što ŭsio bolš ludziej mohuć dazvolić sabie hety tavar, niahledziačy na nadzvyčaj vialiki košt.
«Nasarohavyja vojny», Brent Stertan, repartaž Getty Images dla National Geographic
* * *
Astatnija fotahistoryi vy možacie ŭbačyć u prastory CECH, Kastryčnickaja 16, Ekspazicyja budzie adkrytaja dla naviedvańnia z 12:00 da 21:00.
Sioleta na prestyžny suśvietny konkurs fatahrafii padalisia 19 biełaruskich fatohrafaŭ, ale, na žal, nichto ź ich nie patrapiŭ u śpis pieramožcaŭ.
