Bred Pit daŭ pieršaje intervju paśla racstańnia z Andžalinaj Džali
Halivudski akcior Bred Pit daŭ pieršaje intervju paśla rastańnia z aktrysaj Andžalinaj Džali. Z artystam pahutaryŭ časopis GQ.
Reuters
Pa słovach Pita, apošnija šeść miesiacaŭ byli «chaatyčnymi». Džoli padała na razvod paśla incydentu z udziełam Pita i ich starejšaha syna Medaksa na borcie samalota. Zatym pačalisia hučnyja zajavy ŭ presie, ale ŭ vyniku da ciapierašniaha času šlubarazvodny praces afarmlajecca biez šumu ŭ ŚMI.
Jak paviedamiŭ Pit, jon admoviŭsia amal ad usich škodnych zvyčak, kali zavioŭ siamju, ale ŭ apošni hod «zanadta šmat piŭ», i «heta prosta stała prablemaj». Ciapier artyst viadzie zdarovy ład žyćcia, zamianiŭšy śpirtnoje na žuravinavy sok i hazavanuju vadu.
Pit taksama raspavioŭ pra svajo zachapleńnie skulpturaj: «Ja rablu ŭsio. Ja pracuju z hlinaj, hipsam, armaturnaj stallu, drevam. Prosta sprabuju vyvučyć materyjały. Viedajecie, ja ździŭlaju siabie. Ale heta vielmi, vielmi samotny zaniatak. Tam šmat ručnoj pracy, što ŭ dadzieny momant dla mianie dobra», — adznačyŭ akcior.
Akramia taho, Pit adznačyŭ, što pieršaje miesca ŭ jaho žyćci zajmaje siamja. «Ludzi na śmiarotnym łožy nie kažuć ab tym, što jany atrymali abo jakoj premijaj byli hanaravanyja. Jany kažuć pra svaich kachanych abo pra svaje škadavańni», — rastłumačyŭ akcior. Jon dadaŭ, što jamu treba jašče bolš zajmacca svaimi dziećmi.
