Mitynh u Słucku zabaronieny
Słucki rajvykankam nie daŭ dazvołu na praviadzieńnie mitynhu «Za Svabodu słova i hodnaje žyćcio», zajaŭku na jaki dasłali siabry ruchu «Za svabodu», paviedamlaje pres-słužba arhanizacyi.
«Słucki rajonny vykanaŭčy kamitet zabaraniaje praviadzieńnie mitynhu «Za Svabodu słova i hodnaje žyćcio» 7 traŭnia z 14 da 15 hadzinaŭ u haradskim parku kultury i adpačynku», — začytała adkaz rajvykankama zajaŭniku supracoŭnica ŭstanovy.
Pa jaje słovach, tam zapłanavanyja mierapryjemstvy: z 12 da 15 kancert dziciačych kalektyvaŭ, z 15 da 18 tancevalny marafon «U styli retra».
Adkaz, pa słovach supracoŭnicy rajvykankama, byŭ adpraŭleny 28 krasavika, ale pakul nie pastupiŭ zajaŭniku.
«Heta absalutna pradkazalny i čakany adkaz», — adreahavaŭ na zabaronu abłasny kaardynatar ruchu «Za svabodu» Vital Amialkovič.
