Prysud Navalnamu pa spravie «Kiraŭlesa» ŭstupiŭ u siłu. Palityk nie zmoža ŭdzielničać u vybarach prezidenta Rasii
Sudździa Kiraŭskaha abłasnoha suda Michaił Abuchoŭ pakinuŭ biez zadavalnieńnia skarhu palityka Alaksieja Navalnaha i pradprymalnika Piatra Aficerava na prysud pa spravie «Kiraŭlesa». Takim čynam prysud ustupiŭ u siłu.
Abvinavačvańnie na pasiadžeńni prasiła pakinuć prysud bieź źmienaŭ. Abarona Navalnaha i Aficerava prasiła admianić prysud. Advakat palityka Vadzim Kobzieŭ zajaviŭ, što prysud budzie abskardžany ŭ Jeŭrapiejskim sudzie pa pravach čałavieka.
«Prezidenckaja kampanija Navalnaha nijak nie zaležyć ad prysudu pa spravie «Kiraŭlesa», nikoli nie zaležała. My, viadoma, viadziem jaje nie z ahladkaj na hety prysud, a ŭ adpaviednaści ź jaho jurydyčnym i maralnym pravam bałatavacca, jakoha my i budziem damahacca», - zajaviŭ «Miedyjazonie» kiraŭnik pieradvybarčaha štaba Navalnaha Leanid Vołkaŭ.
Imienno. Dobaviť mnie k etomu niečieho. https://t.co/8Nt8huwi2I