Patop praciahniecca jašče niekalki dzion, a viesnavoje ciapło pryjdzie spačatku ŭ Homiel i tolki ŭ apošniuju čarhu — na zachad
Redki dla krasavika patop praciahniecca i ŭ nastupnyja dni. Ahułam ź sierady da suboty vypadzie bolš čym miesiačnaja norma apadkaŭ.
Adnak na dalahladzie prahladajecca i praśviet.
U Homieli ŭžo siońnia da +20, ujaŭlajecie? Unačy tam 9—11 hradusaŭ ciapła. Prykładna takoje nadvorje tam prahnazujecca na ŭvieś nastupny tydzień. Daždžy tam skončacca ŭ piatnicu.
U Minsku, centry, Viciebsku i na poŭnačy ściapleje ad suboty. Tam taksama tempieratury buduć padnimacca da +14+19 udzień. U toj ža čas da niadzieli tut praciahnucca zalevy.
A voś na Bieraściejščynu i Haradzienščynu chvala ciapła nasuniecca, najchutčej što, tolki ad paniadziełka. A mocnyja daždžy tam buduć iści da suboty.
Jak tolki tempieratury ŭzdymucca vyšej za 10 i pryhreje soniejka, pačnuć raśćvitać sady i majskija kvietki.