Biełarusy vyzvalajucca ad vypłaty dziaržpošliny za ŭjezd u pahranzonu, ale im daviadziecca apłačvać ujezd u pahranpałasu
Alaksandr Łukašenka 26 krasavika padpisaŭ ukaz numar 132 «Ab źmianieńni ŭkazaŭ prezidenta Respubliki Biełaruś», paviedamili ŭ pres-słužbie biełaruskaha lidara.
Dakumient raspracavany ŭ metach pryviadzieńnia zakanadaŭstva Biełarusi ŭ adpaviednaść z zakonam ad 18 kastryčnika 2016 hoda «Ab uniasieńni źmianieńniaŭ i dapaŭnieńniaŭ u Padatkovy kodeks Respubliki Biełaruś». Tak, z 1 studzienia 2017 hoda zhodna z zakonam admieniena dziaržaŭnaja pošlina za ŭjezd (uvachod), časovaje znachodžańnie, pieramiaščeńnie ŭ pahraničnaj zonie dla hramadzian Biełarusi, zamiežnych hramadzian i asob biez hramadzianstva, jakija pastajanna pražyvajuć u Biełarusi.
Zakonam uviedziena apłata dziaržpošliny za vydaču propuskaŭ u pahraničnuju pałasu. Razam z tym heta nie datyčycca asobnych katehoryj hramadzian, u pryvatnaści, tych, chto ŭ pahraničnaj pałasie vykonvaje pracoŭnyja (słužbovyja) abaviazki, naviedvaje miescy pachavańnia svajakoŭ, vałodaje nieruchomaj majomaściu, a taksama ŭdzielnikaŭ vajny i svajakoŭ, jakija jeduć da vajennasłužačych, jakija prachodziać słužbu ŭ padraździaleńniach hranicy.
Ukazam zaćvierdžany pieralik dakumientaŭ, na padstavie jakich hetyja katehoryi hramadzian vyzvalajucca ad vypłaty pošliny. Pryčym heta lhota pradastaŭlajecca tolki ŭ miežach kankretnaj administracyjna-terytaryjalnaj adzinki.
Pryjezdžyja inšaziemcy, jakija nie dasiahnuli 14-hadovaha ŭzrostu, vyzvalajucca ad vypłaty pošliny za znachodžańnie ŭ pahraničnaj zonie, taksama jak i hramadzianie Biełarusi taho ž uzrostu — za znachodžańnie ŭ pahraničnaj pałasie.
