Dźvie traciny studentaŭ, jakija pastupiać u 2017-m, buduć vučycca płatna
2 maja ŭ krainie pačynajecca rehistracyja na asnoŭny etap centralizavanaha testavańnia. Na biudžet na «dzionnaje» i «zavočnaje» u VNU płanujuć nabrać 27,1 tysiač i abituryjentaŭ. 58 tysiač studentaŭ buduć vučycca płatna.
Fota Siarhieja Hudzilina
Kantrolnyja ličby pryjomu ŭžo skarektavanyja: abituryjentaŭ sioleta płanujuć pryniać mienš, čym u minułym. Kolkaść studentaŭ zaležyć ad patrebaŭ ekanomiki i demahrafičnaj situacyi.
— Na biudžet va ŭstanovy adukacyi prafiesijna techničnaha profilu płanujecca pryniać 29,7 tysiač abituryjentaŭ, siaredniaha-śpiecyjalnaj - 24,2 tysiačy. Na vočnuju i zavočnuju formy navučańnia ŭ VNU — 27,1 tysiačy abituryjentaŭ, — raspavioŭ Siarhiej Kaśpiarovič, načalnik upraŭleńnia vyšejšaj adukacyi Ministerstva adukacyi.
Pry hetym płatna ŭ VNU zmohuć pastupić 58 tysiač abituryjentaŭ. Z-za taho, što ŭ hetym hodzie ŭpieršyniu ŭviedzieny reziervovyja dni dla zdačy CT, terminy pryjomu dakumientaŭ krychu źmieniacca. Tak, u VNU na biudžet dakumienty buduć prymać z 12 pa 17 lipienia, z 18 pa 24 lipienia ŭ VNU projduć ustupnyja ekzamieny. U VNU Ministerstva kultury jany pradaŭžacca da 26 lipienia.
