Padčas ataki talibaŭ na vajskovuju bazu ŭ Afhanistanie zahinuli 140 čałaviek
Pa mienšaj miery 140 vajennasłužačych zahinuli ŭ vyniku napadu udzielnikaŭ hrupoŭki «Taliban» na vajennuju bazu ŭ Afhanistanie. Pra heta Reuters raspavioŭ adzin z čynoŭnikaŭ horada Mazary-Šaryf, u jakim adbyłasia ataka.
Napad, jak adznačaje ahienctva, zabraŭ najbolšuju kolkaść achviar z usich napadaŭ na vajskovyja bazy Afhanistana za apošni čas. Pry hetym inšyja aficyjnyja asoby, pavodle Reuters, užo zajavili, što, vierahodna, kolkaść zahinułych paśla incydentu budzie pavialičvacca.
Napad na vajskovuju bazu ŭ horadzie Mazary-Šaryf adbyŭsia 21 krasavika. U hety dzień niekalki talibaŭ, pierapranutych u vajskovuju formu, uvarvalisia na mašynach na terytoryju bazy i napali na afhanskich sałdat, što viačerali ŭ stałoŭcy. Taksama napadu padvierhnulisia vajskoŭcy, što išli ź miačeci paśla piatničnaj malitvy. Taliby, pavodle aficyjnych dadzienych, vykarystoŭvali ŭ tym liku hranaty i vintoŭki.
U Minabarony ZŠA zatym paviedamili, što ŭ vyniku napadu zahinuli bolš za 50 čałaviek. Taksama viadoma, što afhanskija sałdaty adkazali ahniom i likvidavali niekalkich bajevikoŭ.
Paźniej, 22 krasavika, pradstaŭnik «Talibana» Zabichuła Mudžachid zajaviŭ, što napad ŭ Afhanistanie staŭ «adpłataj za niadaŭniaje zabojstva vysokapastaŭlenych lidaraŭ talibaŭ na poŭnačy Afhanistana».
Svaich pradstaŭnikoŭ na miesca incydentu, jak zaŭvažaje sa spasyłkaj na ŭłasnyja krynicy Reuters, užo nakiravała vajskovaja kaalicyja pad kiraŭnictvam NATA. Hetyja ludzi, pavodle źviestak surazmoŭcaŭ ahienctva, zojmucca navučańniem afhanskich vajskoŭcaŭ, a taksama buduć im dapamahać.
