Pientahon: Niesumnienna, Siryja zachoŭvaje chimičnuju zbroju
Ministr abarony ZŠA Džejms Mecis zajaviŭ, što Siryja, niesumnienna, usio jašče zachoŭvaje zapasy chimičnaj zbroi, adnak jaje vykarystańnie było b nieabdumanym krokam z boku Damaska, paviedamlaje VVS.
«U mižnarodnaj supolnaści niama sumnieńniaŭ u tym, što Siryja zachoŭvaje chimičnuju zbroju ŭ parušeńnie svaich damoŭlenaściej i zajaŭ ab tym, što jana pazbaviłasia ad jaje», — zajaviŭ Mecis.
Pry hetym jon nie staŭ udakładniać, jakija zapasy chimzbroi, pavodle jaho acenak, zachoŭvaje Damask. Kiraŭnik Pientahona taksama adznačyŭ, što hetaje pytańnie treba ŭładžvać dypłamatyčnym šlacham.
Napiaredadni Arhanizacyja pa zabaronie chimičnaj zbroi pryjšła da vysnovy, što pry avijaŭdary pa siryjskaj pravincyi Idlib u pačatku krasavika vykarystoŭvaŭsia zaryn abo anałahičnaje rečyva niervova-paralityčnaha dziejańnia.
Damask admaŭlaje dačynieńnie da chimičnaj ataki. Rasija, jakaja padtrymlivaje režym Bašara Asada, zajaviła, što siryjskaja avijacyja mahła razbambić skład chimičnaj zbroi paŭstancaŭ.
