Va Uźbiekistanie čynoŭnikaŭ pieraviali na 24-hadzinny pracoŭny dzień
Prezident Uźbiekistana Šaŭkat Mirzijeieŭ zajaviŭ pra pierachod dziaržsłužačych na 24-hadzinny pracoŭny dzień i stvareńnie śpiecyjalnych adździełaŭ dla kantrolu za ich dziejnaściu, paviedamlaje infarmahienctva «Fierhana».
Jak adznačyŭ kiraŭnik Uźbiekistana, na praciahu dvuch bližejšych hadoŭ čynoŭniki buduć pracavać kruhłymi sutkami, i bieź jaho dazvołu nichto nie aśmielicca syści z pracy dadomu. Mirzijeieŭ taksama paviedamiŭ, što dla kantrolu za ich pracaj u rehijanalnych orhanach ułady buduć stvoranyja «śpiecyjalnyja adździeły».
«Jak było raniej — ciapier tak nie budzie. Albo vy narešcie staniecie pracavać, albo vyzvalicie svajo miesca», — zajaviŭ uźbiekski lidar. Pa jaho słovach, kiraŭniki «zahraźli ŭ brudzie i karupcyi». Prezident Uźbiekistana dadaŭ, što čynoŭniki zastajucca na svaich miescach tolki tamu, što ŭ respublicy nazirajecca deficyt kadraŭ. «Heta naša hałoŭnaja biada. Ale praz dva hady my padrychtujem kadry. Pryjduć novyja, maładyja ludzi», — paabiacaŭ Mirzijeieŭ.